Ümumtəhsil məktəblərinin VIII sinifləri üçün kurikulum üzrə ədəbiyyat dərsliklərinə görkəmli sənətkarımız. M.Ə.Sabirin “Əkinçi” şeiri daxil edilmiş, əsərin tədrisinə 3 saat ayrılmışdır. Məktəb təcrübəsinin öyrənilməsi , ədəbiyyat müəllimləri ilə fikir mübadiləsi, təlim prosesinin müşahidəsi kurikulum üzrə dərslərdə klassik ədəbiyyatın tədrisi ilə bağlı metodik tövsiyələrə ehtiyacın olduğunu göstərir.
“Əkinçi” satirasının tədrisinə
ayrılmış 3 dərs saatının aşağıdakı kimi planlaşdırılması məqsədəuyğundur:
1.Əsərin
məzmunu üzrə iş
2.Əsərin
təhlili
3. Tətbiq.
Müzakirə. Yaradıcı iş
-
Birinci dərs saatında əsərin məzmununun
öyrənilməsinə motivasiya, problemin qoyuluşu mərhələsi ilə başlanılır. Bu mərhələdəki
işi fərqli variantlarda təşkil etmək olar. Vaxta qənaət baxımından dərslikdəki
“Yada salın” başlıqlı suallar əsasında (Mirzə Ələkbər Sabirin hansı əsərləri ilə
tanışsınız? Bu əsərlərdə diqqətinizi daha çox cəlb edən nə olub?) yığcam
müsahibə aparmaqla tədqiqat sualını müəyyənləşdirmək mümkündür Digər bir variant aşağıdakı məzmunda ola bilər:
İnternetdə (YouTube https: // www. youtube.com /watch?v= CSleAiEghw0)
M.Ə.Sabirin“Oxutmuram, əl çəkin” şeirinə yazılmış mahnıdan bir parça səsləndirilir.
Təsirli musiqi sədaları şagirdlərdə şeirin məzmununa müvafiq ovqat yaradır. Müəllim
“Dinlədiyiniz mahnı sizdə hansı düşüncələr oyatdı?”, “Şairin bu mövzuda şeir
yazmasına səbəb, sizcə, nədir?” suallarının əsasında yığcam müsahibə aparır və
sonda tədqiqat sualı formalaşdırılır.
Tədqiqat
sualı: Satirik şeirdə
şair mülkədarın əkinçiyə münasibəti ilə bağlı hansı məsələlərdən söz açıb?
Fərziyyələr
dinlənilir və təkrara yol verilmədən qeyd edilir.
Tədqiqatın aparılması. Şeirin oxusu üzrə iş fərqli məzmunda ( müəllimin
nümunəvi ifadəli oxusu, səsli oxu, fərdi səssiz oxu) təşkil edilə bilər.
Şagirdlərin klassik satirik əsərin məzmununu dərindən mənimsəməsi baxımından
izahlı oxunun tətbiqi mümkündür. İzahlı oxu əsərin məzmununu, orada işlənmiş bədii
təsvir və ifadə vasitələrini şagirdlərin dolğun şəkildə qavramasını təmin etməlidir.
İzahlı oxu prosesində şagirdlərin müstəqillik və fəallıq nümayiş etdirməsinə nail
olmaq zəruridir. İzahlı oxu nə qədər səmərəli aparılsa da, iş başa çatdlqdan
sonra mətni şagirdlərin bir daha nəzərdən keçirmələri faydalıdır. Bu, məzmunla
bağlı qazanılmış təsəvvürün tamlığına əhəmiyyətli təsir edir.
Müəllim satiranın məzmununu daha dərindən mənimsətmək
üçün əyani vəsait kimi Əzim Əzimzadənin “Hophopnamə”yə çəkdiyi şəkillərdən, eləcə
də Ə.Əzimsadə haqqında kitabdakı şəkillərdən
( N.Nəcəfov. Əzim Əzimzadə. Bakı: Azərnəşr, 1973.) istifadə edə bilər. Şagirdlər, müəllimin təklifi ilə kiçik
qruplarda birləşib, qənaətlərini bölüşür, fikirlərini ümumiləşdirirlər.
1. Əsəri oxuyun ( səsli və ya
səssiz), kiçik qruplarda aşağıdakı suallar üzrə təqdimat hazırlayın.
-
Şeirin yazıldığı dövrdə kəndlinin həyatı, vəziyyəti
necə idi?
-
Əsərdə əkinçiyə kimin dilindən müraciət edilir?
-
Mülkədarı hiddətləndirən nədir?
-
Kəndlinin ağır vəziyyəti, amansızcasına istismar
olunması hansı misralarda daha qabarıq ifadə olunmuşdur.?
-
Kəndlinin yalvarışları, məzlum vəziyyəti mülkədara necə
təsir edir?
-
Mülkədarın kəndliyə münasibəti hansı söz və ifadələrdə
öz əksini tapmışdır?
-
Mülkədarın kəndlidən fərqli məişəti, həyat tərzi
satiranın hansı bəndində öz əksini tapıb?
Şeirin ilk bəndindəki həmqafiyə
sözləri göstərin.
|
|
Əsərdə işlədilmiş rədifləri
yazın.
|
|
Məzlum, fəryad, tülkülük, ədəb, insanlıq, çəltik, lal ol sözlərinə sinonimlər
seçin.
|
2. Cədvəldəki tapşırıqları
yerinə yetirin..
3.Şeirdə işlənilmiş bədii təsvir
və ifadə vasitələrini müəyyənləşdirin, cədvəldə yazın.
Bədii təsvir və ifadə vasitəsi
|
Əsərdən gətirilən nümunə
|
3.
Epitet
|
|
4.
Bədii sual
|
|
5.
Bədii təzad
|
4. Əsər barədə düşündüklərinizi
dəftərinizdə cədvəl şəklinə qeyd edin.
s.
|
Əsərdə diqqətinizi daha çox cəlb edənlər
|
Bunun səbəbi
|
Dərsin məlumatın mübadiləsi və müzakirəsi mərhələlərində
aparılan iş kiçik qrupların təqdimatına əsaslanır. İlk növbədə qrupların
bir-birinin işinin məzmunu ilə ətraflı tanış olmalarlna imkan yaradılmalıdır.
Eləcə də müzakirənin diskussiya səciyyəli olmasına, hər bir şagirdin öz
mövqeyini sərbəst ifadə etməsinə səy
göstərilməlidir. Müəllim əvvəlcədən hazırladığı suallardan istifadə etməklə
müzakirənin daha dolğun məzmun qazanmasına çalışmalıdır. Əsərdəki bəyzadə və əkinçi
obrazına məxsus səciyyəvi cəhətlərin aydın təsəvvür edilməsi, mülahizələrin əsərdən
gətirilən nümunələrlə təsdiq edilməsi, fikirlərin əlaqələndirilməsi, müqayisə
edilməsi müzakirədə həyata keçirilməli olan mühüm məsələlərdir.
Nəticənin çıxarılması, ümumiləşdirmənin aparılması mərhələsində indiyə kimi deyilmiş bütün fikirlərin
ümumiləşdirilməsi, vahid, ümumi ideya şəklinə salınması ön plana çəkilməlidir.
Əsərdən gətirilən nünunələr şagirdlərdə aşağıdakı qənaəti yaradır :şair bu
satirada əkinçilərin düşdüyü ağır vəziyyəti təsvir edir. Əkinçini istismar edən,
onu səfalət içində yaşamağa məhkum edən bəyzadə, mülkədar öz dili ilə mənsub
olduğu təbəqəni ifşa edir. Şair əkinçinin düşdüyü məhrumiyyətlərdə günahkar
olan mənfi tipi – mülkədarı öz dili ifşa
etməklə əsərin bədii təsir gücünü qat-qat artırmışdır.
Çıxarılmış nəticənin tədqiqat
sualı ilə əlaqəsinin aydınlaşdırılmasına, şagirdlərin irəli sürmüş olduqları fərziyyələrlə
müqayisəsinə xüsusi diqqət yetirilir.
Dərsin sonunda şagirdlərə kitabxanadan,
internetdən( You Tube. ttps://www.youtube.b com/watch?v =KquG3fRFVLI ) “Mirzə
Ələkbərin ev muzeyində” filmi) və ya Google.az saytından M.Ə. Sabirin həyatı və
yaradıcılığı haqqında əlavə məlumat toplamaq tapşırığı verilir.
İkinci dərs
saatında ev tapşırığının yerinə yetirilməsi səviyyəsi təqdimatların dinlənilməsi
və müzakirəsi ilə həyata keçirilir.
Motivasiya, problemin qoyuluşu. Müəllim motivasiyanı qarşıya qoyduğu məqsəddən, təchizat imkanından,
sinfin səviyyəsindən və s. çıxış edərək
müxtəlif yollarla yarada bilər. Dərslikdəki “Düşünün” başlıqlı sual əsasında
(Satirik sənətkarı əkinçi haqqında əsər yazmağa nə sövq edə bilər?) yığcam
müsahibə aparmaq və nəticədə tədqiqat sualının müəyyənləşdirilməsinə nail olmaq
vaxta qənaət baxımından məqsədəuyğundur.
Motivasiya
yaradılmasının digər yolu internetdən ( You Tube https://www.youtube. com/watch? v =jWeYsQNccZA) “Mirzə Ələkbər Sabir”
filmindən bir parçanın nümayiş etdirilməsi ola bilər.
Tədqiqat sualı : “Əkinçi”
satirasını yazmaqda şairin başlıca niyyəti nə olmuşdur?
Tədqiqatın
aparılması. Tədqiqat
işini fərqli məzmunda və formada təşkil
etmək mümkündür. Deməli, müəllim ən optimal hesab etdiyi yolu seçməkdə sərbəstdir.
Lakin bütün hallarda dərslikdəki “Əsərin təhlilinə hazırlaşın” mətninə və
“Araşdırın. Fikirləşin. Cavab verin” başlıqlı tapşırığa müraciət edilməsi
faydalıdır.
Əsərin
təhlilinə hazırlaşın.
1. Mətni oxuyun.Tapşırıqları yerinə yetirərkən
ondakı fikirlərdən faydalanın.
Sənətkar müxtəlif növ və
janrlarda yazılmış əsərlərdə hadisələri və insanları
müxtəlif şəkildə təsvir edə bilər. O, hadisələri,
insanları tərənnüm edə bilər, və ya istehza, gülüş yolu ilə tənqid edə bilər.
Satirik əsərdə sənətkarın gülüşü daha şiddətli olur, ictimai həyatdakı nöqsanlar,
mənfiliklər qəzəblə, acı gülüşlə ifşa edilir.Satiradan bədii ədəbiyyatın bütün
növlərində istifadə olunur. Satirik şeir, satirik hekayə, satirik poema və s.
Satirik əsərdə cəmiyyətdəki
ədalətsizlik, nadanlıq, cəhalət, ikiüzlülük, tamahkarlıq və s. eybəcərliklər kəskin
tənqid atəşinə tutulur. Sənətkar satirik surətləri təsvir etməklə oxucuda mənfiliklərə
etiraz hissi oyadır, onu mübarizəyə səsləyir.
Ədəbiyyatımızda satirik
şeirin böyük ustadı sayılan Sabir XX əsrin əvvəllərində cəmiyyətdə mövcud olan
eybəcər hallara qarşı barışmaz mövqeyini əks etdirən, bu gün də dillər əzbəri
olan ifşaedici əsərlər müəllifidir. Yeni məzmunlu, kəsərli satirik şeirin dəyərli
nümunələrindən olan “Əkinçi” şeiri 1907-ci ildə məşhur “Molla Nəsrəddin”
jurnalında çap edilmişdir.
Sabir qüdrətli sənətkar kimi ifşa etdiyi
tipin daxili aləmini, zəhmət adamına- əkinçiyə münasibətini onun öz dili ilə hərtərəfli
açır. Əsəri oxuduqca mülkədarındaxili aləminin, əkinçiyə münasibətinin necə
açılmasına, şairin bənzətmə, kinayə və satira
üsulundan, bədii suallardan istifadə məharətinə
diqqət yetirin, bir əsr bundan əvvəl yazılmış satirik şeirə oxucu marağının səbəbini
aydınlaşdırın.
“Əkinçi” satirası əruz vəzninin həzəc bəhrində yazılıb. Bu bəhrdə yazılan şeirlər axıcı, rəvan,
gözəl səslə , xoş avazla oxunur. Şeir həzəc bəhrinin məfilü, məfailü, məfailü, fəilün ölçüsündə yazılmışdır.
Şagirdlər
kiçik qruplarda “Araşdırın.Fikirləşin.Cavab verin” başlığı altındakı
sual və
tapşırıqlar üzrə təqdimat hazırlayırlar. Hər qrupa iş vərəqlərində 2 sual,
tapşırıq verilir.
Araşdırın.Fikirləşin.Cavab
verin
1.
Mülkədarın
nitqinə, hərəkətlərinə əsaslanaraq xarakterindəki mühüm cəhətləri
aydınlaşdırın.
Mülkədarın məişəti, xarakterindəki başlıca cəhətlər
|
Şairin ona münasibəti
|
Sizin ona münasibətiniz
|
2.
Əsərdəki
məişət təsvirlərinə, mülkədarın nitqinə əsaslanaraq, əkinçini səciyyələndirin.
3.
Sizcə,
təsvir olunan vəziyyətdə kim haqlıdır: mülkədar, yoxsa əkinçi? Nə üçün?
4.
Şeir
hansı mövzuda yazılıb, onda diqqəti cəlb
edən mühüm problem nədir? Müəllif həmin problemin həllində nəyə üstünlük verir?
Siz necə düşünürsünüz?
Şeirin mövzusu
|
Əsərdə mühüm olan
problem hansıdır?
|
Şair bu problemin həll yolunu nədə görür?
|
Siz necə düşünürsünüz?
|
5. Ə
5. Ə
5
Əsərlə bağlı düzgün fikirləri müəyyənləşdirin.
A. Satirik əsərdir.
B. Kəndlilərin ağır həyatı təsvir
edilib.
C. Əsərdə istismarçılar əlində
əsir-yesir olan kəndlinin faciəsi təəssüf hissi ilə verilir.
D. Mübariz kəndli obrazı
yaradılıb.
E. Mülkədarın iç üzü öz dili
ilə ifşa edilir.
6. Əsərdəki başlıca fikir – ideya nədir? Həyatdan və
bədii ədəbiyyatdan bu satiradakı ideyanı təsdiq edən nümunələr gətirin.
7.Şeirdəki
başlıca fikirlə səsləşən atalar sözlərini müəyyənləşdirin.
İş
insanın cövhəridir.
İşləməyən
dişləməz.
Tənbələ
dedilər: Qapını ört. Dedi: Külək örtər.
Əkəndə
yox, biçəndə yox, yeyəndə ortaq qardaş.
Əkən
bir, biçən bir, yeyən on bir.
Əkinçi
cütündə gərək.
Əkməsən,
biçməzsən.
6.
Doğru
hesab etdiyiniz fikirləri müəyyənləşdirin və əsaslandırın.
-
Əkinçinin
düşdüyü ağır vəziyyətdə özü günahkardır.
-
Şair
mülkədarın əkinçiyə qarşı ədalətsizliyini tənqid edir.
-
Sabir
kəndli hüququnun alovlu müdafiəçisi kimi çıxış edir.
-
Mülkədarın
dilindən çıxan hədələyici ifadələr satirik tipin yırtıcı xarakterini açır.
-
Əsərdəki
kəndli mübariz, öz hüquqlarını müdafiə etməyi bacaran zəhmət adamıdır.
Məlumat mübadiləsi və
müzakirəsi. Tədqiqatın aparılmasına ayrılmış vaxt başa çatdıqdan
sonra, hər qrupun özünün müəyyənləşdirdiyi sözçüsü təqdimatla çıxış edir. Təqdimat
diqqətlə dinlənilir. Sonra müəllim təqdimat edən qrupun digər üzvlərinin təqdimata
əlavəsi və ya fərqli mövqeyi olub-olmadığını soruşur. Digər qrupların sözçüyə sualları və cavablar dinlənilib
müzakirə olunur.
Təqdimat və çıxışlarda bədii təsvir və ifadə vasitələrindən, mənası yeni
öyrənilmiş sözlərdən necə istifadə olunduğuna diqqət yetirilir.
Müzakirə zamanı müəllim
dialoji nitq bacarığının nümayişinə,
fikirlərin sərbəst söylənilməsinə,
müqayisəsinə, onlara əlavələrin edilməsinə, təkliflərin irəli sürülməsinə,
daha dəqiq qənaətlərin yaranmasına diqqət yetirir və işə bütövlükdə istiqamət
verir.
Nəticənin
şıxarılması, ümumiləşdirmənin aparılması mərhələsində müzakirədə söylənilənlər əsasında
yekun mövqe, ümumi ideya müəyyənləşdirilir.Şagirdlər satirik şeirdə müəllifin ədəbi
priyom kimi tipi öz dili ilə ifşa etməsini, sətiraltı mənaların olduğunu qeyd
edirlər. Belə bir qənaət yaradılır ki, əslində sənətkar mənfi tipin -mülkədarın mənəvi eybəcərliyini öz dili ilə
ifşa etmiş, kəndlini istismar edən bəyzadələrin iç üzünü açmışdır.
Sahibkarın – mülkədarın əkinçiyə
müraciəti şəklində yazılmış bu satirada şair mülkədarların kəndliyə münasibətini
kəskin satira və kinayə dili ilə ifşa etmişdir. Əsərdə həyatın sərt həqiqətləri
– qul halına salınmış əkinçinin düşdüyü ağır vəziyyət və bunun səbəbləri,
harınlamış mülkədarın zülmkarlığı, amansızlığı
inandırıcı sənət dili ilə əks olunmuşdur.
Şair
zəhmətkeş insanın düşdüyü ağır vəziyyətə, taleyinə laqeyd olan , yalnız
öz var-dövlətini artırmaq barədə düşünən mülkədara acı-acı gülür. Bu, məhvedici,
öldürücü gülüşdür.
Çıxarılmış nəticənin şagirdlərin fərziyyələri
və tədqiqat sualı ilə müqayisə edilməsinə xüsusi diqqət yetirilir
Şagirdlərə digər fənlərdən
və müxtəlif mənbələrdən topladıqları məlumat əsasında “XX əsrin əvvəllərində Azərbaycan
kəndi və kəndlisi” mövzusunda şifahi təqdimat hazırlamaq tapşırığı verilir
Üçüncü dərs
saatında ev tapşırığının yerinə yetirilməsi səviyyəsi şifahi təqdimatların dinlənilməsi
və müzakirəsi ilə müəyyənləşdirilir.
Motivasiya,
problemin qoyuluşu. Şagirdləri
əsər üzrə bilikləri tətbiq etməyə, yaradıcı işə sövq etmək məqsədilə xalq rəssamı
Ə.Əzimzadənin “Hophopnamə”yə çəkdiyi karikaturalar, rəssam Nəcəfqulunun
“”Sabirin tipləri” bukleti nümayiş etdirilməsi, müzakirə aparılması məqsədəuyğundur.
Müzakirə nəticəsində tədqiqat
sualı formalaşdırılır.
Tədqiqat
sualı.
“Əkinçi”şeirinin əmək mövzusunda öyrəndiyiniz digər əsərlərlə ideya-məzmun
baxımından hansı oxşar və fərqli cəhətləri var?
Fərziyyələr dinlənilir və təkrara yol
verilmədən lövhədə yazılır.
Əməyə, əməkçi insana həsr olunmuş əsərlərin müqayisəli təhlili üzrə dərsi
müxtəlif variantlarda təşkil etmək olar. Müəllim bədii əsərlərin növ, janr,
ideya-məzmun baxımından müqayisəli təhlili üçün
üçün əvvəlki siniflərdə əmək mövzusunda öyrənilmiş digər əsərləri seçə
bilər. Mümkün variantlardan biri şagirdlərin “Əkinçi” şeirini V sinifdə
variativ dərslikdən öyrəndikləri Nizami Gəncəvinin “Kərpickəsən kişinin dastanı”,
Süleyman Rəhmovun “Qara torpaq və sarı qızıl” hekayəsiilə müqayisəli təhlil etmələri,
əsərin bədii xüsusiyyətləri üzərində iş aparmalarıdır.
Tədqiqatın aparılması.
Şagirdlər kiçik qruplarda
birləşib aşağıdakı sual və tapşırıqlar üzrə tədqiqat aparırlar:
1.
“Əkinçi”
şeirindəki təsvir olunan əkinçinin N. Gəncəvinin “Kərpickəsən kişinin dastanı”əsərindəki
kərpickəsən kişi ilə hansı oxşar və fərqli cəhətləri var?
2.
“Əkinçi”
şeirinin N. Gəncəvinin “Kərpickəsən kişinin dastanı”əsəri ilə növ
baxımından müqayisə edin.
Hansı cəhətlərinə görə
müqayisə olunurlar?
|
Əsərlərin adı
|
|
Növ baxımından
|
“Əkinçi”
|
“Kərpickəsən kişinin dastanı”
|
3.
.
Əməkçi insandan bəhs edən i“Əkinçi” şeirini Nizami Gəncəvinin “Kərpickəsən
kiçinin dastanı”, S.Rəhmovun “Qara
torpaq və sarı qızıl” əsərləri ilə ideya, məzmun baxımından müqayisə edin.
Hansı cəhətlərinə görə müqayisə
olunurlar?
|
Əsərlərin adı
|
||
İdeya, məzmun baxımından
|
“Kərpickəsən kişinin dastanı”
|
“Əkinçi”
|
“Qara torpaq və sarı qızıl”
|
4.
Şeirdəki
bədii təsvir və ifadə vasitələrininin əsərin təsir gücünün artırılmasında
rolunu aydınlaşdırın.
5.”Əkinçi” şeirinin satirik əsər olduğunu əsaslandırın.
6.M.Ə.Sabirin əkinçiyə və mülkədara münasibətini
müqayisəli şərh edin.
Fərqli tapşırıqlar üzərində
işləyən qruplara müəllim istiqamətləndirici suallar vasitəsilə kömək edir. O, həmçinin çətinlik çəkən qruplara müqayisənin hansı məqamlarda
və necə aparılması, növ, janr, ideya-məzmun xüsusiyyətlərinin aydınlaşdırılması
və s. barədə yığcam tövsiyələr verə bilər.
Məlumat mübadiləsi və müzakirəsi mərhələsində qrupların təqdimatları dinlənilir. Bu məqsədlə
şagirdlərin lövhədə Venn diaqramı və müqayisə cədvəli üzrə işləmələrinə imkan
yaradılır.Təqdimatlar üzrə diskussiya zamanı şagirdlərin müstəqillik və fəallıq
göstərmələrinə, öz mülahizələrini əsaslandırmalarına, müxalif fikrə ədalətli
mövqedən yanaşmalarına xüsusi diqqət
yetirilir.
Fikirlərin ümumiləşdirilməsi,
vahid ideya şəklinə salınması, son nəticənin çıxarılması növbəti mərhələdə həyata
keçirilir.
Nəticənin
çıxarılması, ümumiləşdirmənin aparılması mərhələsində müəllimin istiqamətləndirici
suallardan istifadə etməsi şagirdlərin yüksək fəallığına səbəb olur. Şagirdlər
hər üç əsərin mövzu yaxınlığını, əməkçi insana
münasibətin əks olunduğunu nümunələr əsasında izah etməkdə çətinlik çəkmirlər.
Eləcə də nümunələrin fərqli janrlarda olması, maraqlı qafiyə sisteminə malik
olmaları onların oxşar cəhətləri kimi asanlıqla qeyd edilir. Bu əsərlərin fərqli
cəhətləri ilə bağlı ümumiləşdirmənin aparılması, nəticənin şıxarılması asan
olmur və məhz bu məqamda müəllimin istiqamətləndirici suallarına daha çox
ehtiyac duyulur.Nizaminin mənzum hekayəsində halal əməyə bağlılıq, əməkçi
insana ehtiram motivləri güclüdür. Şair kərpickəsən qoca ilə cavan oğlanın söhbəti
vasitəsilə gənc nəslə əməksevərlik, zəhmət adamına hörmət hissi aşılayır. Bu əsər
epik növün nümunəsi kimi istər növ, istərsə də janr baxımından müqayisə olunan
digər şeirlərdən fərqlənir.
Sabirin “Əkinçi”
şeiri satirik əsərdir. Şeirdə bəyzadənin, mülkədarın dili ilə XX əsrin əvəllərində
kəndlilərin amansız istismar , soyğunçuluq və təbii fəlakətlər nəticəsində
düşdüyü ağır vəziyyətini təsvir etmişdir.Şair həyat həqiqətlərini əks etdirən
bu satira ilə kəndliləri ayıltmağa, öz hüquqları uğrunda mübarizə aparmağa səsləyir. Tipi öz
dili ilə ifşa edən şair - mülkədarın iç üzünü açmaqla yanaşı, hüquqsuz, dilənçi
vəziyyətində yaşayan kəndlini də bunun səbəbləri
barədə düşünməyə sövq edir. “Məzlumluq edib başlama fəryadə, əkinçi! Qoyma özünü tülkülüyə, adə, əkinçi!” misraları kəndlini amansızcasına istismar edən
mülkədarın bütün eybəcərliyini sadə, aydın dillə oxucuya göstərir.
S.Rəhimovun “Qara torpaq və sarı
qızıl” hekayəsində isə qardaşların timsalında əməyə laqeydliyin və bağlılığın
insan taleyində rolu bədii dillə əks etdirilir. Sənətkar qardaşların öz əməksevərliyi
ilə firavan, xoşbəxt həyata qovuşmasını gənc nəslə bir örnək kimi göstərir. Əsərdə
insanı ucaldan, ona səadət gətirən əmək tərənnüm edilir.
Çıxarılmış nəticələrin fərziyyələrlə,
tədqiqat sualı ilə müqayisəsinə ayrıca diqqət yetirilir. Şagirdlərə ev tapşırığı
kimi kitabxanadan, internetdəki mənbələrdən ( google.az) istifadə edərək “Sabirin satiraları” mövzusunda məruzə
hazırlamaq tapşırılır.
Ədəbiyyat
1.
Mirəhmədov
Ə.Sabir. Bakı: EA nəşriyyatı, 1958.
2.
Sabir M.Ə. Hophopnamə. Bakı:
Yazıçı, 1972.
3.
Zamanov
A, Sabir bu gün. Bakı.1985. .
4. Hüseynoğlu S., Həsənli B. və
b. Ədəbiyyat. VIII sinif üçün dərslik. Bakı: Bakınəşr, 2015.
5. Həsənli B. , Hüseynoğlu S. və
b. Ədəbiyyat. VIII sinif. Müəllim üçün metodik vəsait. Bakı: Bakınəşr, 2015.
Комментариев нет:
Отправить комментарий